Putissi 'na vasata
addivintari ciunnata e disgrazia
sutta l'alivi 'u jaddinu accugghiu
un segnu r'amuri chi a la cruci puttàu
...e chi lu scuru criscìu.
E 'unn è pi' soddi, gloria o ricunuscenza
si Giuda nutricu 'n funnu a lu cor'
muffura agghiunnàu e spiranza mi mossi
pi' 'sta cruci abbrumata di sangu e dulur'.
Patri Figghiu e Spiritu Santu
quali paschera accogghirà la me chiantu?
Patri Figghiu e Criatu ri Diu
calatimi 'a codda chi la terra schifìu
e sia vuluntà ri Diu
chi la me vita tracodda.
Vasa vasa 'u Figghiu ri Diu
chi 'n Cruci ti mori
e 'na codda t'ittàu, accussì 'u vosi
lu to' distinu
pi' lu 'Nfernu scanzari
e in cielu tu iri.