Ursus la muntagna chi 'i catini scucuddau
nni l'arena a mani nuri Roma e l'Imperu scunfiggiu
Ursus voli sangu di li vestie curunati
nun c'è schiavitù e cunnanna chi 'ncatina lu so cor'
...e a Licia vani lu so' amur'
...e a Licia vani lu so cor'.
Chianta nna culonna nni la valli di lu kaos
e nna mennula addifenni nica nica idda criscìu
chi a lu suli ava sbucciari comu un ciuri di rubinu
la so' scoccia sangu teni e un cori nobili d'amuri.
Ora chi lu ferru vesti stritta la to' manu
innirizza a lu cori di dei mai cchiù suvrani.
Lu sangu riddi av'anniari 'a Colimbetra
e arrussicari lu cielu e l'acqui di lu mari... Nostrum
Ursus, lu curaggiu chi ti chiovi ri 'ncoddu
e ti inchi lu cori pi' la battagghia
tu lassati vagnari, tu lassati salvari.
Ursus, chiama a radura
li to' forzi chi la Valli è a suggettu ri malefici.
Ursus 'ncontra Keleu vitturiusu
chi la muntagna sacra
'un sia cchiù dimora di li dèi.
Ursus c'adduma lu suli
chi quieta li mari
Ursus chi l'ummira divina
mai cchiù cumparirà
Ursus chi 'nciamma li cori
e l'occhi riluci.
Ursus chi l'ummira divina
mai cchiù cumparirà.