Cu è, chi la balàta scunsacràu?
Chi a' lu martiriu nni vinnìu?
E l'ama puru rinnazziari...
Si no, addinucchiuni ora agghiunnavi
e 'na petra avìa pi' suli
'n tunnu 'n tunnu d'adurari.
Scunsacraru la santa balàta.
Pi' chiantariti 'na cruci 'nta lu cori.
Scunsacraru la menti illuminata
chi vulìa chi di lu cielu tu sia un suli.
Cu è, chi o lustru 'u scuru addisiàu?
E a 'stu castiu nni vinnìu?
E anticchia r'oru nni savàu.
Allura cecca, cecca, jetta fangu nni lu chìu
chi nto viòlu c'è l'oru
e s'arruspigghia ogni matinu.
Prestu 'u sepolcru da' to' carni sarà chinu
ma mentri ciatìi jetta 'uci chi si' suli...
...cunsacratu.