'U vermi rusica 'a carni fràricia
chi potta morti e pistilenza
malatìa e rimustranza.
Acerba rusica lu cori 'nutuli
chi adduma focu umitu
chi si china servu di la terra
Acerba acita.
Acerba rusica.
Japi tu li potti pi' lu 'nfernu addumari
fari trasiri li riauli chi jocanu a cu mori.
Cunta a liu e cu s'ammuccia
sazza ruci la scunfitta
e la vita chi finisci e lu sonnu chi ti voli.
Acerba rusica!
Serva, hai lu 'ustu ri malata
'nfrariciata comu un succi mottu 'n mucca
chi lu fetu jairu infesta ccà...
è lu ciatu jairutu do' Signuri
mottu 'n cruci pi' 'nfistari lu to' cori.
Acerba rusica
'sta vita fràricia
voli cuntu pi' l'anima salvari
ma t'annei nto to' chiantu ri miseria.
Acerba rusica
'oli 'u vilenu ora lanzari...
'ustari e dari muzzicuna
ma è tuttu jairu 'u jaddinu.